चिंचा आल्यात पाडाला
हात नको लावूस झाडाला-
माझ्या झाडाला !
हात नको लावूस झाडाला-
माझ्या झाडाला !
माझ्या कवांच आलंय् ध्यानी
तुझ्या तोंडाला सुटलंय् पाणी
काय बघतोस राहुन आडाला?
मी झाडाची राखणवाली
फिरविते नजर वरखाली
फळ आंबुस येईल गोडाला !
माझ्या नजरेत गोफणखडा
पुढं पुढं येसी मुर्दाडा
काय म्हणू तुझ्या येडाला?
गीत | – | आशा भोसले |
चित्रपट | – | जशास तसे |
गीत प्रकार | – | चित्रगीत, लावणी |
No comments:
Post a Comment